بوسطجى شايل رسايل
جايز تتقرى و احتمال تترمى
زى اللى فات
---
باعت عتاب لكل
اللى سافر و اللى غاب
و اللى نسى واللى ساب
و اللى قرر يقفل الباب
و يعيش لوحده
و اللى صاحب صاحبه
طلع في الاخر ضده
و اللى عشق من سكات
و عاش على الذكرى
و اللى رفض
يبقى مجرد ذكرى لبكرا
---
و باعت شكر
للى متغيرش رغم البعد
و لسه وفى بالوعد
للى عاش يفرح فى اللى حواليه
و اللى لسه حبيبته ماليه عينيه
للى كلامهم يطيب الوجع
لكل صاحب جدع
لكل اللى مبيخافش من حد
للى حافظ على كرامته
و حط قصادها 100 سد
و اللى سامح و مقبلش يفارق
مع انه اصلا مكنش وجوده فارق
---
و باعت رسالة وجع
لبنت مكياجها بقى دموعها
من اقل كلمة بتتوجع
و متقدرش تبوحها
و مخدتها بقت صاحبتها
تفضفضلها ساعة الوحدة
كتير مبتعديش و بتقف ع الواحدة
و تكشيرتها بقت مكان الابتسامة
اكمن الوجع سايب ليها علامة
---
و باعت تنهيدة في حضن ام
قلبها محروق و همها ما يتلم
حضنت ابنها قبل ما يروح الجنة
نال الشهادة زى ما كان بيتمنى
---
و باعت امل لكل الخايفين
من بكرا و ظلم او فرقة
يا بخت اللى سايبنها على ربنا
و مش قلقانين
محتاجين عدل يسكن قلوبهم
و ميخافوش يناموا مظلومين .. !
ليست هناك تعليقات:
إرسال تعليق