ومـيـن غيرهـا وقـف جنـبك ف عِز الخـوف؟
وكـان ملهــوف يشـوف الـفرحَه ف عـيونك..
وميـن غيـرها حِلف يوْفي لأي ظروف؟
وشئ معـروف بإن ضميرها ما يخـونك..
ف خونـتـهـا لـــيـه؟
وليه يعني نِـسيـت الحُـب والأشـواق!
حسَـبت ف يـوم بإن الغـدر أخـرُه فــراق؟
حسبـتـها أه لكن عـقـلك مِخَـبي عنـيـه..
وقـولت بإن قـلـبهـا سـهل تـقويّ علـيه..
ياخـايـن قـول جـرحـتـها لـيه؟
فِ لحـظة طـيش وقلب رخيـص رخِصت معـاه..
وقـولت تعيـش فَ مـاتـت فـيك رجـولتـك أه..
نسيـت نفسـك وربَّـك لـيه؟
بقـيت خايـن للي عاشت لَك سنين صايـنَـه..
دي كانت وقـت أحـزانَك عليها الدنيا دي هاينَه..
وقلـبك مافي شئ يرضـيـه..
وقلبها كان بينبُض فيك بينبُض بيك بينبُض ليك.
دي كانت تجري وتجيلك وبتطيعك بطرف عنيك.
دي كانت قبل ماتسيبَـك بتتمنيّ تراب رجليـك..
وكانت قبل ماتبـيعهـا تبيع الكون عشان تفديك..
خلاص هايفـيد كلامـنا بإيـه؟
دا لو قلـبك حِجـاره وكان فِ سُـور بـيتــها...
تدِب الـروح ف كُـل السور لعِشرتـهـا...
لكن قلبك دا يطلع إيه؟
بقلم..محمد عسل
ليست هناك تعليقات:
إرسال تعليق