أربع حروف
.........
لسه الحياه أربع حروف
منهم بشوف للدنيا ضى!!
فيها الأمل مالى الكفوف
و اشوفنى بيهم مالى زى!!
دا الف إيقاعه يبل ريقى
و الحاء تقول حبك طريقى!!
الباء بشوف قلبك صديقى
و الكاف ف كونك قلبى حى!!
. ..........
إحساس جديد و كلام قديم
واخدانى غصب عنى ليكى
رامينى ف الحب الأليم
و مابين حروفهم ألتقيكى!!
خلانى أعيشك من جديد
و أحس نبضك ف الوريد
وأفضل اقول ف الشوق واعيد
و معاكى بكره الحلو جاى!
لسه الحياه أربع حروف
منهم بشوف للدنيا ضى!!
...............
يا نغم يصبر ع الحياه
و انا بيكى أقوى م الألام
شايفك انا طوق النجاة
و الحلم فيكى ارتاح و نام !
ما يهمنيش غير بيكى اعيش
ولا اشوفش غيرك ف الوشوش!!
و أن بكره راح أو قال مااجيش
ألقى الأمل ف عينيكى ضى!!
طول ما الحياه أربع حروف
بينهم بشوفك عمر جاي!!
عاطف عبد الحميد
ليست هناك تعليقات:
إرسال تعليق