قابلني صدفه
وقفنى لحظة
وقالى استنى
انتى مش فاكرة
قولت لاء
مين حضرتك
وازاى توقفنى في سكتك
قالى انا الحب الجميل
عشناه سوا ليالى كتير
رجعت حبه بذكرياتى
لقيته فى يوم
كان هو حياتى
بس ده كان
كله زمان
بعد القاسية
والغدر بيا
انا كنت حابه
أنسى الليالى الصعبة ديه
الحب عندك هجر وحرمان
وساعات كتير من غير أمان
مرة أكون أقرب انسانه
ومرات كتير بره الحسبان
وسع شوية أبعد كمان
خلينى اعدى
مضيعش وقتى
قالى استنى
عندى سؤال
من غير ما يكمل
قولت راح اجاوبك
على سؤال محير قلبك
كنت زمان حلم جميل
عشت فيه
والحلم ده أصبح كابوس
على كل شيء بقا يدوس
ومن احلامى خلاص صحيت
مشيت ونسيت
رحت لقيت
حبيبي مستنى
بنى لى بيت
فيه اتحميت
رسيت واتهديت
لحتة منى
بعد ما جاوبته
مشى وسابنى
كان فاكر انى
دايبة فى هواه
وهعيش يا عيني
على ذكراه
قابلني صدفة
بقلم.. صباح ضاحي
ليست هناك تعليقات:
إرسال تعليق