وعاشقينها كتير عشاق
وحاسينها كمان اشواق
ولمحينها كنور فى افاق
وفى عيونها تلاقى وفاق
***********
يتوه الحسن فى جمالها
ملايكه كتير على بابها
عيون الناس فى اعتابها
بتعشقها فى محرابها
**********
جمال ربانى باصوله
وهى الحسن بتصونه
بيتغير مع فصوله
عليه الكل بصوله
**********
عيونها عيون غزلان
وفى القد كغصن البان
وبالاحمر خدودها تبان
وفى الماشيه عظيمة الشان
**********
نجوم الليل تحايلها
نهار الكون يسايرها
بنات الحور تغير منها
وفى الحسن مافيش غيرها
**********
يعاكسها القمر فى الليل
تشاغلها عيون الخيل
قلوب الخلق ليها تميل
ويصبح نورها لينا دليل
**********
ليست هناك تعليقات:
إرسال تعليق