ياخدوني عنيك
وأسافر لبعيد
في ليل الغربة
ماقاسي الوحدة
عشان أكيد
بتصاحبني عنيك
في كلامك وهمسك
وسكوتك ودلعك
دايما ألاقيك
هدية زماني
شعر وأغاني
مالي وجداني
بحبك سعيد
يانسيمي العليل
وظلي الجميل
ازاي بس أقدر
مفكرش فيك
أنا مهما أقاسي
حبك يواسي
لسه شاريك
وبحلم بيوم
أخدك بحصاني
واطيربيك في ثواني
للجنة المليانة
قلوب صافية
وتغريد عصافير
أبنيلك قصر عالي
مليان بالأماني
وحبي الكبير
أغطيك برموشي
أدفيك بحناني
وأعيش لك العمر أسير
تاخدني عنيك
أحلق في السما
أفرد جناحي
يداعبني الهوا
وأشوف الدنيا
بقلب مهما ارتــــوي
لا يشبع أبدا
مــــن حــــــبك
ـــــــــــــــــــــــــــــــــــــــــ
بقلمي / محمود مسعود
ليست هناك تعليقات:
إرسال تعليق