((الزمن الصَعب))
عـِشنا ف زَمـَن ...
فيه م العَبيـــــد ...
أو م العـِبـــــــاد...
باعوا ف تراب ..
أرض الوطن ...؟
....................
ثعابين وداروا ع الشُعوب ...
باعوا العزيز ...
بارخص ثمن ...؟
.....................
مين كان يقول ...
الإبن بـَدِّل بالثمين ...
بنك وعـَفـَن ...
......................
حـَبـِّة فلوس ...
واقع حقيقى واللا حـِلم ...
واللا كابوس ...
.....................
شـَرّ ومـَلوه ...
سـِم وسقوه ...
ليه المال بيُحكُم ع النُفوس ...
......................
والبدله حـِلوه بتترسم ...
كده ع الجـَسَد ...
ترسم مَلاك ...
داخلُه شيطان ...
حـَبـِّة رِتوش ....
.......................
إن كان فى مهرك ياامـَّا
دمـِّـى وكـِلمتى...
إن كان فى مهرك
دمّ اخويا وعـِزوتى ...
أنا هاهديهولك ...
ماانتِ أُمـِّى وفرحتى ...؟
..........................
بيكِ افتِخر ...
ياأحلى فرحه ف دُنيتى ...
فيكى احتمى ...
ظـِللك بيمسَح دَمعتى ...
يرأف يعالِج مـُهجتى ...
.........................
إنتِ اللى انا ....
جـِيت بين إيديكى ...؟
وكـُنت انا ..بسمتك .لهفتك
فرحـــة عينيكى ...؟
مـَليتى كـَفـِّك حـَمـِّيتينى ...
مـِنـَّك يانيل ...
من قلب أرضك غـَذّيتينى ...
بثَمـَر النَخيل ....
حـَتـَّى الهوا ع الشَطّ يامـَّا ...
يشفى العليل ...
ياامُّ الهَرم ياامُ الكَرَم ...
إسمك تاريخ فوق القمم ...
ريحة عـُطورك ...عـَدِّت غـِيَّم
...........................
طـِمـِع الدَخيل .يوم فى التراب
صار فى التُراب .تحت القَدَم ...
ياللا ياأُمـِّى إنهضى ...
بابنك ياأُمـِّى تقدرى ...
نفسى تـُعود لك بسمتك ...
ألمس حنانك فرحتك ...
هاستنــَّى إيـــــــــــه...
بعد اللــــــــــى راح...
عـِشنا السنيــــــــن...
ذ ُل وجـِــــــــــراح...
طـَمع النُفــــــوس...
أصبَح بـَــــــــرَاح...
الظـُلـــــــم طــال...
والعَـــــــدل راح...
راح فين عـُمـَــر...
راح فين صلاح ...
......................
محتاجه ياامَّا توب جميل ...
من غير عـُيـــــــــوب...
محتاجه عدل يسير فى أرضك ...
والشُــــــــــــــــعوب ...
والرمله ياامـَّا تتبِدِر ...
فيها الحـُبــــــــــوب ...
تـِطـْرَح بنيلك تبقى خـُضره ..
تحمـــى ظهـــــــــــــرى...
فى الحـُـــــــــــــــــروب...
والوَعد ياامـَّا ...
مش هاموت ولا هانتهى ...
حتَّى تُعودى زهره حلوه ...
فى الشوارع والحوارى ...
والــــــــــــــــــــــدروب...
وبلانا ياامـَّا من حـُبوب ...
بَلَد الغـُـــــــــــــــــروب...
...........................
على قلبى كلمه للوَلَد ...
إللى فى حـُضنك إتولَد ...
إن كان هـِنا أو كان هِناك...
مهما تكون ..فين البلــد...
أنا أمـِّى عاشت ضَعفكم ...
صوتها وصُراخها ف سمعُكم ...
إيدك فـــــــــــــــى إيدى...
نحمى جيلها من الفساد ...
لو حتـَّى تـُطلُب دَمـُّكم ...
...........................
أصل الوَلد ...دِرع البلد ..
هوّ السَند... هـُوَّالعَمَد ...
قلبه السلاح ...ليه اتغَمـَد ...
نهر الحياه ...مين قال زَبَد ...
ليه نقَيـِّدُه ...قـِيد الكَبَد ...
فِكرُه ف عـَمار .ليه الهَدد...
واجه تتار ..قـِوَّه وجَلَد ...
يا أُمـِّى فين ..فين السَنَد ...
عايزين ولد.ويكون سند ...
ويكون ســــــــــــــــــند ...
................................
تعريف الشاعر / يحيي المصرى
ليست هناك تعليقات:
إرسال تعليق