صدقني
كان عندي عنوان
وبيت برقم وقدمنا ميدان
وجنينة جميلة وغية حمام
وبنزل وأطلع وليا جيران
صدقني كنت عايش أنسان
كنت بحـب وأشتري الناس
وعمــري ماصاحبت جبان
ولاجيت يــــوم علي غلبان
مكنتش بعمــل حساب قدام
والي في ايدي طاير ياحمام
مخطرش علي بالي في يـوم
ينتهي حالي علـي الرصيف
في عشة خشب بسقف صفيح
بلا تمليك ولا ايجارعشة مريحة
نوم وسفرة وغـــــــرفة معيشة
علي الرصيف شتا او صيـــف
لا حد يقولك فين أنت ولا بكــام
متلومنيش كنت في يوم زيك أنسان
سكني وعفشي وولادي تحت الركام
شالوهم لما أتهــــــــــد علينا البيت
لما اتعرينا ووقــــــــــــــع الحيط
وأدوني جواب أسكن مــن جديد
وادوني جواب دفن الامـــوات
أروح فين واسيب الذكريات
هاأموت هنا وادي الجواب
قطعتو وبنيت عشـــــــة
جنب عشش الجيران
احمد السبع
ليست هناك تعليقات:
إرسال تعليق