أم الولايا
.........
لساكى يا أم الولايا بالولاية مصدقه؟
لساكى فاكره الترجمه
للتمتمه و الهمهمه
أن الإمام من غير كلام
شاف اللى مش قادرين تشوفه
بين كفوف الملتقى؟!
لساكى قاعده ف انتظار المعجزة
و مأجزه كل المشاعر
و القلوب متفرقه؟!
بس السكات يعنى الممات
بعد العذاب بعد الشقا
.........
طب امتي بس ح تفهمى؟
و الناف على كتفك بيسال ع المدار؟
يا تدوري و تروى القلوب الشرقانبن
يالسوط ح ينحت من عضامك
بعد لحمك ما انتهى!!
و عشان عينيكى مغمضين
ما ح تعرفى
الضرب نازل لك منين؟
...
و انتى السجينه بين عيونك و الكتاف
ح تخافى ايه؟
و السجن فى توب العفاف؟!!
و الطاعة للزوج الأمير
حق و مصير
مكتوبه فى عقد الزفاف!!
........
عاطف عبد الحميد
ليست هناك تعليقات:
إرسال تعليق