و لو أيوب صبر مرة
أنا صابر
10 مرات
مليش ف الفرح
طول عمري
و لو جاني
فعمره ساعات
و شارب الخل من صغري
و متخاصم
مع الشربات
أداري الحزن تفضحني
عيوني السهرانين
بالذات
أتاري الغلب واد عمي
و انا و الهم و دموع الليالي
اخوات
أخاف م الضحكه لو مرت
تكون
دي آخر الضحكات
بكيت علي عمر
مش راجع و بكاني علي اللي
فات
يا عيني كفكفي دمعك
معدش يفيد
فلا الأيام تعود تاني
و لا المواعيد
و ان سألوكي
عن اسمي
فقولي مات
سيد عبد العليم
ليست هناك تعليقات:
إرسال تعليق