أنا صعيدي
انا صعيدي وبوفي بوعدي صعيدي
واللي يخلف وعده معاي يا ويله من وعيدي
أنا صعيدي ومقبلش أبدا الزايده
ودمي حامي في شرياني نيران قايده
انا صعيدي وشغل المسخرة ميعجبنيش
ولا أعرف الخوف ولا يهددني شغل الحرافيش
أنا الصعيدي وف بلدي أنا قوام الجيش
إحنا الصعايده رجال ووحوش 73
حررنا سينا ولو يؤمرنا ريسنا نحرر فلسطين
إحنا الصعايده واللي زيينا مين
رجوله شهامه كرمنا زايد وللخطر مستعدين
انا الحجيري صقر من صقور الحجيرات
أنا الممدوح ف بلدي واصهاري باريس الشرق الجبارات
إحنا الصعايده ما تهز نا ريح ولا أزمات
مبادئنا وكرم أخلاقنا تدرس ف المعاهد والجامعات
أنا الصعيدي المصري الحر جدنا سيدنا إسماعيل وأمه بنتنا السيده هاجر
إحنا الصعايده ونفخر إن بلدنا مصر
أصل العرب إحنا من قديم الأزل والعصر
انا الصقر ممدوح أعوذ بالله من كلمة أنا ..معروف في كل مكان
اسألوا عني من ماشاني واسالوا الجيران
إحنا الصعايده إذا قلنا منرجعش في الكلام
شبابنا أسود والطفل فينا همام
إحنا الصعايده ولو اتكلمت عنهم ما هيكفي كلام
الحضاره عندنا والسدالعالي
مصانع السكر ومصنع الألمونيوم ع الشرق الأوسط الثاني
عندنا الآثار والنيل والنخيل والروماني
إحنا الصعايده واللي ما يعرفنا جاهل ثقافة واناني
منا القائد والقاضي منا الطبيب والمحامي
منا المهندس والمعلم والدكتور الجامعي
منا الفنان والرسام والأديب والإعلامي
وف الحضر بنينا وعلينا العمارات
سكنا فيها إللي عاملين نفسهم بهوات
إحنا الصعايده وافخر أنني صعيدي
أوفي بوعدي صعيدي
واللي يخلف وعدي يصد وعيدي
أنا الصعيدي
شعر/ ممدوح حجاجي محمد علي
الجمعة 4/3/2016
الساعة 8 صباحا
ليست هناك تعليقات:
إرسال تعليق