... ان كنت حبيبك ...
ان كنت حبيبك . . يلا نشد الرحال ..
ان كنت حبيبك . ابداً دا مفيش مُحال ..
يلا نخطي الخطاوي . نبعد بالسنين ..
ندخل كتب الحكاوي . نعيش مع ناس تانيين ..
عالمنا يبقي كله . حب . فرح . حنين ..
نعيش مع قيس وليلي . دا انا بحبك مجنون ..
او اكون عنتر عبله . فيكي اكتب اشعار ..
ارسم عنيكي سحابه . في الحر تنزل امطار ..
وارسم قلبك قمره . تخلي ليلي نهار ..
اركب معاكي سفينه . تعدي بينا بحور ..
وابني لك قصر عالي . ولا اروع القصور ..
يلا ياحبيبي يلا . يلا بلاش اعذار ..
ان كنت حبيبك يلا . يلا نشد الرحال ..
ان كنت حبيبك ابداً. ابداً دا مفيش مُحال ..
فتحي وجيه ...
ليست هناك تعليقات:
إرسال تعليق