بص القلم
----------
بص القلم للمحبرة
نظرة غريبة مغيرة
تشوفها صبر جبال
من جوا متبعترة
-----------------
يا محبرة
يا شريكة العمر الأليم
ياللي شفتي
ياما شفتي
رحلة خطوطها مقدرة
كل شيء جواكي
ينطق بالحقيقة مصوره
قلمك اللي شاف الذل
واللي عاش مقتول
ولا عمره يوم يشكي التعب
عايش شبه تمثال ولا بيمل
كما الاهوج
كما الساذج
مثل المخبول
جوا سراديب القلق
وما بين كهوف الخوف
العمر تاه اتسرق
باهت ومش معروف
يا تؤام الروح والقلم
مكتوب تدوقي م الالم
مكتوب تنوحي بويل
وحرقة علي اللي اتظلم
بص القلم ....
ليست هناك تعليقات:
إرسال تعليق