شطوطك مهاجرة...
وقلبى المسافر لا عمره لقاكى...
أمانة..
وحصنه فى برد الليالى
ولا داق حتى حلوك.
ولا حتى مرك.
قوليلي حاتفضل شطوطك مهاجرة لامتى؟
عشان قلبى يفضل ..
يسافر بشوقه لأول شطوطك
أسافر فى عينك آلاف المواسم
تروح المواسم وتيجى المواسم
وتفضل عينيكى عروس الموانى
تسرح عينيه تفتش عليكى
فساد الأماكن ستاير عنيكى
ولما عينيه تلاقى عينيكى:
تزول الستاير
وتطلع عنيكى مرايه
بتضوى بكل الحقائق
افرد شراعى وارحل فى عينك آلاف المواسم
تروح المواسم وتيجى المواسم
وتفضل عينيكى عروس الموانى
- شطوطك مهاجرة -
شعر : هانى رخا
ليست هناك تعليقات:
إرسال تعليق