هو انا ينفع احبك مرتين
لأ تلاته لأه سبعه طب ميتين
وكل يوم ارجع احبك من جديد
وكل يوم يكون لقلبي الف عيد
طب هو انا لو كل يوم ارجع احبك
ممكن الاقي ليا باب مفتوح في قلبك
الاقي ضله جوه منك تحتويني
الاقي نبع من عنيك يجري في عيني
طب هو ينفع حبي ليك يصبح يتيم
ينفع يكون عشقي لعيونك دول شحاته
ينفع هوايا اللي منعته عن الحريم
يبقي سبيل علي القهاوي للشماته
من اللي معرفش الكلام ولا الغرام
من اللي معرفش في يوم معني الهيام
علشانك انت بقيت بعيد عن خلوتي
علشان ما بين قلبي وبينك الف ميل
فاكرين باني ممكن انسي محبتي
ولا يعرفوش انه مفيش غيرك بديل
واني تهون حياتي وكل غالي ودنيتي
وانك تهون علي قلب حبك مستحيل
حرجع واحبك الف مره من جديد
وكل يوم يكون لقلبي الف عيد
محمود ناصر
ليست هناك تعليقات:
إرسال تعليق