فى كل ليله برسمك
أرسم عنيكى و الرموش
و أرسم شفايف من حسنها
مبيرحموش
و ليل فى شعرك
خلَّى ليالى السهر لما تشوفه
متنساهوش
خلِّى الخدود زى القمر
لما يطل من بين جدايله ضيَّها
و عيونى منها مبينموش
فى كل ليله أعيش معاكى
و فى كل ليله أنده هواكى
و عيونى تبكى و تسألك
إمتى لُقاكى
و تضيع ملامحك
أول ما ألاقى الضىِّ طالع
و تكون روتوش
و أرجع أنا
أستنى ليله تضمنا
لما أرسمك
و أرسم عنيكى و الرموش
فى كل ليله برسمك
محمد جارحى
ليست هناك تعليقات:
إرسال تعليق