....... (الله يرحمه).......
كانت الغناوي على إسمك
حتى الورق مرسوم رسمك
بشنه ورنه وألف حساب
كان الغني معروف عنك
و في الحياة الفقر إنساب
فوق الرؤوس منحوت جسمك
وجالك يوم تصبح ع الباب
واللي زمان وقف جنبك
بقى النهارده حضوره غياب
حتى اللي كلبش فيه حبك
رفض يعمل لك حتى حساب
كأنك جرب والخوف منك
أو قول طاعون منك ينساب
مرحوم ولارحمة تضمك
نكتب في خيبتك ألف كتاب
الكل خايف من سمك
بعد اللي كان لك في المحراب
جيت الحياة ولاشيء همك
دي الوقتي مهما نعد. عذاب
الكل مقهور بقى منك
ولا حد ناوي يقول ليه خاب
حتى اللي كان يحميه ضلك
بقى بيشوفك بس سراب
صامت ولا بان لنا عشمك
مالكش بين العملة ثواب
الله يرحمك ياشهيد
محسود وحاسدعينه هباب
مابقتش حتى تفيد
ولا حتى كان الشوق غلاب
شحات ومادد إيد
رفضك ولسه واقف ع الباب
يايوم وكنت عنيد
في عهدك كنت سابق الأحباب
طفلي وكنت في ضيق
مازعلش يوم في جيبه وداب
مرحوم ومت غريق
شايب أو لسه حتى شباب
.........(شعر)...ّ.ّّّّّ......
عبد الله السايح
ليست هناك تعليقات:
إرسال تعليق