بعشق
لا أنا نجمة طايرة في السما
ولا طير وفارد له جناحين
بعشق بقلبي إنما
مش عارفة بعشق بس مين
بعشق اللي يخاف عليا
بعشق اللي يحبني
اللي يوهب قلبه ليا
وبحنانه يضمني
بعشق الغيرة في عينيه
اللي احساسي يناديه
اللي قلبي حس بيه
وبغرامه شدني
بعشق اللي يصون هواه
يحمي حبه من الزمن
فيها ايه لو اعيش معاه
د.الحياة ارخص تمن
بعشق العشرة الجميلة
بعشق النور والدفا
مش حقول بعشق ايه تاني
بإختصار أنا بعشقه
قلبي مش ظالم أناني
مضطرة إني اصدقه
طارق عطية
ليست هناك تعليقات:
إرسال تعليق