حضارة التخلف !!
-------؛ ----
والله هلكوني الدكاترة
ماحا عم يفهم عليي بالمرة...
إلي متجوزة سنتين
وما تركنا طبيب يعتب علينا
خلصو المصاري...
وتراكم الدين علينا
ورقنا هرهر متل تشرين
بدنا ولد...
والله ماطعمنا ولد
آل رحمي ذو القرنين
دكتور عطاني دوا
بيفتح صيدليتين
ودكتور عمللي نفخ بوقين
وواح اللو تجوز يارجال
الجازة حلال
واوفر
واضمن الحللين!
؛
؛
وانا ست سبور
وجوزي متلي..
متل عصفورين
بس...
محتارة بقراري
جاري طبيب استشاري
مافي منو تنين
علم
وذوء
واخلاء...
يخزي العين
بس كيف بدي روح لعندو
والباب حد الباب
متل الرمش والعين
كيف بددو يكشف عليي؟؟؟
والله مالي عين!!!!
؛
؛
هالمرا بتوجع الالب
و عذرا أقبح من ذنب
وحجتا ما بتقلي بيضتين؟
البشر وصلت لبعد (بلوتو)...
بكوكبين!
ونحنا لسا همنا:
الي وما الي عين؟؟؟؟ !!!!
جيرتك ميزة ما عذر
واكيد اذا اهتم بغيرك شبر
جارك رح يهتم فيكي دراعين
ويشيلك ع كفوف الراحات
هادي طبابة...
يا ست الستات
والطبيب مانو شم قرين
وهادا جار
يعني اخ
وعم
وكاتم الاسرار
وما بيختلفو ع هالحكي تنين
حاجة تقاليد معفنة
وكلام فاضي
وتخلف..
نقدي ودين!!!
ليست هناك تعليقات:
إرسال تعليق