بلدالدنانير
تعيا ليه يافقير
يااللى عايش عيشة الصراصير
مش كفايه عليك سرير
ولا نفرشهولك حرير
مش كفايه علينا شخير
يلاش طمع وبلاش تبذير
لما تعيا لازم يكون
عندك قفة دنانير
ولا فاكر البلد
ملهاش كبير
لما نقول
مش عيب الفقر
دا كلام للشهره والجماهير
أوعى تكون فاكر هنعالجك
ونديك عقاقير
لما تعيا نخلص منك
ونقول انفلونزا طيور
اوخنازير
لازم تعرف قدرك
وتعيش مع البقر
من غيرتنهيق ولاتنعير
وأوعى تفكر
إن اللى بنقوله حقيقه
ما قلتلك دا كلام للنشر
والجماهير
ما انت عايش فى بلد
مبتحترمش البنى آدمين
وتعاملهم زى الحمير
بلد مبتحترمش
غير أصحاب الدنانير
ولما تفكر تهاجر
هنعملك قوانين ودساتير
تخليك مجرم كبير
يعنى تنجا م البحر
تلاقى الأمر
ياكانز الدنانير
الحق قبل غضب الجبار
واشترى نفسك من النار
بكام دينار
تساعد فى علاج الفقير
افتح مصنع
تشغل كام أجير
أيدك ف إيدى
منخليش ف البلد
عاطل ولا فقير
بقلم :محمد حجاج
ليست هناك تعليقات:
إرسال تعليق