نسيتك
فيصل محجوب محمد
كنت بشتاق ليك اول
اسعي في حوزة رضاك
لما ظنيت انك حبيبي
اتعمقت في قصة هواك
نسجت احلامي عشتك
احلي لحظات ياملاك
جدت بالطيب هديتك
وماقصرت يارائع معاك
زرعت حولك شجر المحبة
كنت اترقب لخطاك
عيني حارساك كل لحظة
في صباحك في مساك
قلبي يرتاح لما اشوفك
او حتي المح بسمة رضاك
كنت زي ما تحب اسوي
ولما تطلب اقول فداك
سريع ياغالية الببي ويجيك
كل هاجس في مناك
الا اني من غيي فقت
وعرفت اطغاث كان هواك
حلم عابر زار خواطري
توهتني في نزوة صباك
نساني الفروق البيني بينك
نساني حرمة مشتهاك
كيف انسان يملك مشاعر
يهوي جامد و يتعذب وراك
من ضلال حبك رجعت
ريحت قلبي من شقاك
لوكنت تستاهل عواطفي
صدقني ما سبتك هناك
انت ناكر ولي سالي وعمر
الغرام ماحرك محتواك
الزهرة لو ماشربت تموت
وانت زهرك شارب قساك
ليست هناك تعليقات:
إرسال تعليق