يادى الحب وياد
ى ايامه
تعبنا من همسه وكلامه
وياما شفنا كتير منه
وعرفنا حكايته ونظامه
....
فرح شويه وحزن كتير
وعيون دبلانه من التفكير
وكفايه الغيره وعمايلها
حاجه بتخلى العقل يطير
......
قلت لقلبى كفايه عذاب
ونقفل على نفسينا الباب
معرفش ليه صار يعاندنى
قال ايه بيقول لسه شباب
......
منتش قد الحب وجرحه
وميغركش سعادته وفرحه
دا ساعات ليله كتير بيطول
ولا تعرف أوله من آخره
.....
خايف عليك من غدر حبيب
يخونك ويقولك دا نصيب
وتعيش طول عمرك مجروح
لا دوا ينفع ولا حتى طبيب
......
اوعى تحب غصب عنى
وتنشغل يوم وتعاندنى
احسن ترجع تانى وتندم
وتقول ياما قال ونصحنى
......
صدقنى معتش فيه اخلاص
ولا عاد ضمير عند الناس
كله بيشوف فين مصلحته
ويدوس على قلوب الناس
......
ياما فى الحب شفنا حكايات
وفى الايامدى كمان بالذات
وقلوب كانت صافيه انجرحت
ان كانوا شباب ولا بنات
......
متخلينا يا حبيبى بعيد
ومندخلش ف وهم جديد
انا عندى اعيش كدا وحدانى
ولا اكون ف الحب شهيد
منير خاطر
ليست هناك تعليقات:
إرسال تعليق