عايزاك تحبنى و لا انتَ بتهزر
.......................................
الحب أكبر
من كل الكلام و أخطر
أكبر من إنك تمشى و تتمخطر
و أنا عايزاك تحبنى أكتر و أكتر
أكتر من إنك ليا تتعطر
و أنا عايزاك حواليا سما بتمطر
عايزه قلبك يفضل يرخ ما يبطل
و الدم فيا يضخ ما يتعطل
عايزاك مع حبى تكبر و تتأثر
عايزاك مع حبى أكبر و أكثر
عايزاك تمشى ما تتعثر
و ترجع بيا تتعذر
عايزاك تحبنى و لا انتَ بتهزر
عايزاك حياة بالعقل نبنيها
و خلى الحب فى القلب يعليها
عايزاك صرح
لا آيل للسقوط و لا آيل للجرح
مش عايزه أموت من بعد الفرح
و لا عايزه أفوت كل الفرح
عايزاك تفهم عليا
انت حبى و كل اللى ليا
عايزاك تتعلم الدرس
الحب مش حضن و بس
.........................................
محمد أبو المعاطى
ليست هناك تعليقات:
إرسال تعليق