عن البنت ال حبت مره
ومجروحه
بتضحك عادي من بره
وم جواها مدبوحه
عن التفكير ف عز الليل
عن الجوابات
عن الدباديب وحب يسيب
جراح وحاجات
عن البسمه المشطوبه ف
ف كل خانات
عن القلب ال كله دموع
جراح وأهات
عن التوهه وع السرحان
عن الذكري
ولما حد يسألها بتعمل ناسيه
مش فاكره
عن الجامعه عن الدمعه
ف جوه عنيها مابتطلعش
وبتطنش ومش سامعه
نزيف القلب ما بيوجعش
بتستحمل وبتكمل
تعيش الحلم م الأول
وبترجع بأيدها الوقت
لكني الحب مابيرجعش
عن القلب ال مابيشفعش
لذل حبيب
عن العقل ال مابيسمحش
لظن يخيب
عن الأحلام
عن الدمعه ال ف عنيها
وبرده تنام
عن الأوهام
عن الأها ال جواها
بتنسي قووام
عن الضحكه أم صوت عالي
عن الحزن ال نساها
وصوت أغنيه بيلالي
لكني الجرح قواها
عن الطيبه وع الأحساس
عن البنت ال تشبه ماااس
تحياتي تحياتي
ياناسيه الماضي والأتي
وعايشه بجد
وراسمه الضحكه م نفسك
ومش من حد
ياهازمه بجد سهر الليل
ياواخده الوحده حب بديل
وتنزل دمعه ع خدك
وتجري تميل
ياقلب أصيل
ياما أتحمل
لا عمره بجد يوم بيمل
ف عز جراحه يتجمل
ويطرح بسمه للمخاليق
ف وقت الضيق
لصحباتك
بتبقيلهم بجد صديق
برغم الجرح والحيره
فارفضه أي تكشيره
وبتسافري لأرض الفرح
وواخده بجد تأشيره
ومختومه بضد الجرح
تحياتي تحياتي
ليست هناك تعليقات:
إرسال تعليق