إضحك للدنيا
بقلم أحمد عبد الباقى
___________________
دمع وألم إحساس غريب
وشخص مكشر وشه كئيب
شايل هم الدنيا بيبكي
ماشي محني مطاطي راسه
كاره نفسه وكاره ناسه
قولتله مالك
بصلي نظره
نظره حزينه مليانه الم
قولتله مالك
رد وقالي بص الدنيا
قولتله مالها دنيا جميله
قالي لأ
دنيا حزينه
فيها الأخ بياكل أخوه
واللا الابن بيضرب أبوه
فيها الصاحب بيخون صاحبه
فيها الظلمه جت ع النور
فيها شمس تطلع تضحك
تيجي سحابه تخبي الضحكه
وترسم غيمه
قولتله لأ اضحك يابني
دنيا جميله
فيها الأخ يأكل أخوه
فيها الابن بيسند أبوه
فيها الصاحب حامي لصاحبه
فيها شمس تطلع تضحك
تيجي سحابه وترسم ضله
تحمي الناس
اضحك انت بس ياصاحبي
تلاقي الدنيا بتضحك ليك
وارسم ضحكه تنور وشك
تلاقي النور جاي حواليك
اضحك يلا وافرد وشك
وكل اما الدنيا تغشك
برده اضحك واتحداها
وانسي همومك وامسح دمعك
وابدأ يلا صفحه جديده
ارسم فيها ضحكه شديده
واوعي ياصاحبي تحزن تاني
لان الدنيا لو مستهله
مكنش حد منها فاني
اضحك يلا وافرد وشك
ضحكه تنور كل الدنيا
بقلم الشاعر الموهوب / احمد عبدالباقى
ليست هناك تعليقات:
إرسال تعليق