( مصرى)
فين الواد بيومى يا صابر ؟
هو صحيح منزلش معاك ؟
كان بيقولى جاى الجمعه
حيجيبلى سبحه ومسواك
اوعه يكون الواد عيان
وباعتلى حاجاتى معاك
قوللى يا صابر ريح قلبى
الواد واقف خدمه هناك؟
انا ﻻمح دمعه فى عيونك
حاسس رجلك مش شايﻻك
هو الواد بيومى اتعور؟
قوللى يا ولدى كل ظروفه
اوعه تقولى حيجى العيد
ومش راح اشوفه
امال مين طيب حيقابل
كل ضيوفه ؟
طب مين حيقول ﻻخواته
سعاد وزينات؟
ان اخوكو الطيب جدا
وللا ومات
باصص ليه فى اﻻرض يا صابر
بص لفوق؟
بيكوا الدنيا يا ولدى ف يوم
حتما حتروق
واللى يوم حتطوله منكم ايد الشر
مكانه فوق
ويا الشهدا
واﻻبرار
واﻻخيار
واﻻحرار
فى جنه ماليها الحب
ماليها الشوق
بس امانه ياصابر لما تسافر
تهدى سﻻمى لكل شهيد
واقف يحرس ارضى وارضك
عرضى وعرضك
فارس حارس عزمه حديد
وتبلغهم انى حصلى وراح ادعيلهم
كيف بيومى
وحستناهم يوم العيد
♥♥♥♥♥♥♥♥♥♥♥♥♥♥
محمود ناصر
ليست هناك تعليقات:
إرسال تعليق