مين من دول هيتحمل
بقلم محمد البلاط
مين من دول يشيل الدين
ومين هيمسح لهم العين
على المقهى وفى الشارع
لرزق يهل منتظرين
يطول الصبر وياهم
ومر انتظار شاربين
وفنجان قهوه يكون ساده
وامل طاير مع الدخان
وسمه الهم معسل
جايز فى لحظه يتفصل
ويصبح تمر وفيه سكر
لكن منين
يجيلنا كل يوم حاكم
يقول فيه حل للازمه
نطيعه وننحنى لجزمه
ونترصص على الصفين
بنستنظر امل طاير مع الدخان
خدودنا على الكفوف مالت
املنا فى حل او رابط
يجيلنا الحل بضريبه
والف هم وزايد
ومغنى يغنى لنا
يا مصرى اتحمل وكون راجل
ومين من دول هيتحمل
وجوعه فى بطنه متمكن
لا قادر يمشى فى الشارع
ولا يطلع على سلم
ليست هناك تعليقات:
إرسال تعليق