(يالي فاكر قلبي ملكك لا وحياتك )الشاعر محمد العربي

(يالي فاكر قلبي ملكك لا وحياتك )
===================
أنا موش ح ترجاك ولا أقول لك بعت ليه
راح أسيبك لهواك واللي زرعته راح تجنيه
تزرع ود تجني ود تزرع جفا راح تلاقيه
يالي فاكر قلبي ملكك لا وحياتك
مرك عندي لجل كرامتي أحلي من شرباتك
أيه يعني تبعد عني ياما غير قلبك قلوب
مسيري القي مخلص لي وأكون له محبوب
بايه يفيد قربك وأحساسي يكون مجروح
لا ملعون حبك لو منه تكون الروح
يالي فاكر قلبي ملكك لا وحياتك
مرك عندي لجل كرامتي أحلي من شرباتك
علي قد ما خت حنان ولقيت في قربي أمان
علي قد ماكنت معاك أنسان هتلاقي جفا مني وحرمان
وليالي مافيها نجوم وعيونك عطشانه نوم
وقلبي لقلبك سجان
عارف ليه أقولك ليه كبريائي عايش بيه
من غيره أزي أعيش وأعيش ليه
يالي فاكر قلبي ملكك لا لا لا وحياتك
مرك عندي لجل كرامتي أحلي من شرباتك
زكرياتنا نار أسايا راح تحرقها زي الورق مابيتحرق
هتتحرق زكرايتنا موش علشان هانفترق
لا علشان لسه هبتدي كل شيئ يفكرني بيك لزم ينتهي
عمري الضايع وياك موش فاكره بالمرة
ولا فاكر في هواك كلمة كانت حلوة أو مرة
موش هاعيد الماضي معاك ولا ألومك ولا أترجاك
يالي فاكر قلبي ملكك لا لا لا وحياتك
مرك عندي لجل كرامتي أحلي من شرباتك
=====================
الشاعر محمد العربي