مش عارف أتكلم
&&&
أنا اللي من نظره بدوب
و من همسه أتعب و أستسلم
&
من لمسة أيدك ليا يا دوب
أتلخبط خالص و أتلعثم
&
أنت كتير أمور حبوب
و كل ما فيا فيكي مُغرم
&
وشك دا مسمسم طيوب
حنين خالص و مسلم
&
و كلامك مقبول مرغوب
و لا زيك أجدع متكلم
&
الكحل ع الرمش مسحوب
و النظره غنوه و تتنغم
&
ع الشفه الأحمر مسكوب
أرحم من نارها أرحم
&
حيرت قلبي و تاني قلوب
أسمع دقاتهُ و ترجم
&
أنا شوقي مجنون و لعوب
و أنت في الحُب معلم
&
أنا عنك مقدرشي أتوب
و أصلاً مش عارف أتكلم
&
عاطف حارس نور.
ليست هناك تعليقات:
إرسال تعليق