&& قــلبي مــعاكي يـــــا بـــلادي && كلمات الشاعر / وليد العبيدى
ـــــــــــــــــــــــــــــــــــــــــــــــــــــــــ - كلمات الشاعره / أميره شقير
( أميره )
قــلبي مــعاكي يـــــا بـــلادي
يـا تــوب أبيــض مــالـوه بـالـدم
بتـصرخـى وتقــولـى يـا ولادى
وشهــداء فــادوكـى لأنـــك أم
يا طير ابيض فى السمـا عالى
نزل بجــراحــه مليــــان هـــم
&&&&
( وليد )
قــلبي مــعاكي يـا بـلادي
ازمـــه واكيد هـ تـــــــعدي
انـــا كـــلي فـــدا بـــلادي
واكيد في يـوم هـ نعــــدي
لـــو الف شهيد يـا بــلادي
بيزيـدنـــا إصـرار وتحــــدي
اكتب يـا تــاريـــخ واشهــد
بـــــلادي اغـلى ما عـندي
****
( أميره )
يا بلـدى يا مصر يا ولاده بالطيبين
فيه فصيل خرج يا أمى مش عارفين
ان حــب النـاس والـوطـن حــق ودين
مـش ذنبك ده يـا أمـى انهـم فـاسدين
اصـابع ايدينـا يـا مـصر مــش متســاويين
لكن انتى خير وخضار ونور وعمار ليوم الدين
&&&&
( وليد )
امسحي دموعك يابلدي
ارمي همومك على اكتافي
اخــلعي الأسود يـــــابلدي
دا الأســــود لــــونه طـــــافي
قـــتــلوني بــــــــاسم الــــدين
ضـميني في حضنك الــــدافي
عاشت بلادي حره وابيه
ونصر ربي ليـها كافي
****
( أميره )
امسحى دموعك يا طاهره يـا أرضنا
ياللى فـداكـى دمـى يـا مـصر يـا أمنا
ياللى اسمـك محفـور يا بلدى فى قلبنا
مسيحى ومسلم عايشين فى خيرك هنا
ولو حاولوا يفرقونا هنلتحم ولا شىء هيهـدنا
&&&&
( وليد )
مسكوني البندقيه
ووقـفونـي ع الحـدود
احمي بلدي من الاعادي
ارض ابــويـــا والجــــــــدود
بس الرصاصه جت في ضهري
مسلمـــــين دول ولا يهــــــود
لــــو هتقتـــــل الـــف مــــــــره
الشعــب كله في الجيــش جنــود
****
( أميره )
مسكـونى قلــم وورقه مـن زمان بأنسجـام
علمونى ارسم فيها فرعين زيتون وجوز حمام
وقتهـا كنت صغيره معرفش ايـه معنـى الكـلام
أتـارى الـرمز كبـير يا وطنى هـو ده رمـز السـلام
لكـن يا خسـاره كـل يـــوم اغمـض عينــى وأنــام
اصحـى علـى خـبر سـواد وكـام شهـيد مـاتـوا أوام
ومن ساعتها مش عارفه اغمض وابكى من كتر الآلام
&&&&
( وليد )
على جثتي كبرو وقـالو
قــتلناهم عبيد الـــــبياده
نسيــو ان حمــايـة الـوطــن
في الأســاس فـرض وعبــاده
نسيــــو ان يـــــوم فـــرحتــــي
انى اموت ع الحدود وانول الشهاده
واروي بــدمــــــي ارض بلـــــــــدي
دا سعـــادتــي بـالجنــه اكبر سعــاده
****
( أميره )
ابوس ترابك يا مصر يا بلـدى متعيطيش
ومهمـا شـوفتـى مـن دمـاء مـتزعليش
فداكى دمى يا مصر يـا أمـى متنزفيش
روح الشهـيد راحـت السمـا متحـزنيش
جنودك هيقضوا على الأرهاب متخافيش
اوعى تبكى عشان نقدر فى يوم نعيش
رافعين رايات اسمـك يـا مصر ومتنزليش
هتفضلــى دايمــــاً عــروســه بين الــدول عشـــان نعيـــش
ومهرك الغالى كفن هو العلـم وهنقضى ع الأرهـاب بأيد الجيش
ومصر هتفضل قلب العالم وروح الوطن العربى ويسقط الحرافيش
كلمات الشاعر / وليد العبيدى
كلمات الشاعره / أميره شقير
ليست هناك تعليقات:
إرسال تعليق