((حببتي تلات حروف))
============
قالوا أشمعني هي يعني بالذات
قلبك عشقها وغنا في جملها
غنوات
قلت ودا سؤال برضو تسئلوه
ودي مين غيرها يستاهل حب
الحياة
والممات
صبيه متحنيه كفوف وكعوب
بالضي متوضيه وشاربة طيبة
قلوب
العفه تاج جبينها والشموخ لها
توب
لو اقول الشعر فيها سنين يدوب
أبسط حاجات
ودي مين غيرها يستاهل حب
الحياة
والممات
قالو من وصفك أبتدينا فيها ندوب
وبقينا عشاق حبيب ومحبوب
قولت وأنا أفرح لو عشقها فيكم
منحوت
ومكتوب
وليكم وربي مني سبع
سلامات
من طين واديها النبته أصيلة
طاهره
شجرة طارحه توب أبيض وطرحه
حرف منها فرحه والدنيا رايحه
وهي لسه ليها جيات
ودي مين غيرها يستاهل حب
الحياة
والممات
حببتي تلات حروف كل حرف حواديت
حببتي تلقيها ساكنه كل بيت
شاي العصاري جنب ساقية في
قلب غيط
تحت الشجر تلاقيها ضله
في قلب الصحرا موش رمل دا لاء حنه
حببتي عيونها فرش وغطا جنه
لوتنادي في لحظه تلقاني لبيت
المر لجل عيونها سكره عالي شربات
ودي مين غيرها يستاهل حب
الحياة
والممات
==================
( الشاعر محمد العربي)
ليست هناك تعليقات:
إرسال تعليق