قصيدة صباح نادى
صباح نادي على الأخوة وعلى الاحباب
صباح زاهى بطيبة ابويا وامى
صباح بالورد متعطر
صباح بالخير بيتحضر
صباحنا فى سما صافية
والشمس اهيه كمان دافيه
ولابسه جديد
بتبعت لينا اشعتها
بالود تبقى لمستها
والحب يزيد
صباح من سمكه اهيه عايمة
عماله تجرى فى الميه
والموجة تيجى ورا موجة
والايد فى الايد
وشجرة واقفة على الميه
فروعها خضرة وندية
والطير فى السما العالية
بيغنى وصحبته هنية
والكل سعيد
بقلم.. صباح ضاحي
ليست هناك تعليقات:
إرسال تعليق