انتي العنوان
احمد صبري
عايزة الحقيقة بجد
انا مش اي حد
ممكن يزاحم المعجبين
عشان يوصل كلمتين
وقلبي مليان عاشقين
انا مش مجرد فرد
ومش غرور ولا كبرياء
ولا بمتلك ذيك ذكاء
وكل اللي بتمناه
احس معنى الوفاء
مقبلش اكون في طابور
مستني يجي الدور
احلامي في الحياه
اعيش اموت مستور
بحبك ايوه مش هقدر
اقول لا مابحبكيش
كتير فيكي انا بفكر
بحلم بيكي اعيش
ومن بين البشر واقف
ومن جوايا متكتف
خايف اعاند واجازف
واخاف القلب يتستف
وابقى بين القلوب
طير طاير حواليكي
نصي كلام مشطوب
والنص التاني عنيكي
عارف ان مهما هقول
كلامي بلون الليل
عارف ان صعب اطول
حضن القمر الجميل
ممكن مش شايفة
عيوني بين الزحام
ممكن تكوني خايفة
اخدك دنيا الغرام
ممكن وممكن وممكن
يا مليون احتمال
لو حضنك ليا هسكن
لو لا انا رحال
ولو حنيتي يوم
لو حسيتي حنيني
تعالي ننسى النجوم
خدي روحي اسكنيني
ماليش غيرك قرار
وواخدك من زمان
مهما هكتب اشعار
هتكوني انتي العنوان
ليست هناك تعليقات:
إرسال تعليق