معرفش ليه قلبي
عايزني أكتب كلام
في الحب
ونازل خبط فى جنبي
ما هوش ساكت
وأنا شايفه
في حالة صعب
يا قلبي السنين فاتت
والباقي ما يستحملش
ولا ينفع علاج ولا طب
لقيته ناوي يهجرني
ويداري في أي درب
مديت ايدي على قلمي
عشان ارضيه
وأكتب كلام في الحب
لقيت قلمي بيعصاني
ونازف حبره قوام
ع الأرض
ودموعه غرقت ايدي
سألته يا قلم مالك
دور سنه بعيد عني
وأنا مستنى عليا يرد
هرب مني وبان منه
إن طريقي إنسد
ناديته بأعلى
صوت
ولا كنش بينا حد
ولما لقاني واخد
على خاطري
جاني يكلمني
وفارد لى كمان اليد
وقال اهدى كده
واسمع وافهم كلامي
جد
بلاش تمشي ورى قلبك
هتلاقي
كل شئ إ تهد
راح قلبي كره قلمي
وقاله روح
بينا وبينك سد
ليست هناك تعليقات:
إرسال تعليق