شعر / محمد رضوان
ده حالي في الحب معاكي ....
شايفك شغلاني .........
بفكر كتير بسهر كتير
جوه قلبك حضناني
طمعان في قربك اكتر
وليه دايما منعاني
الحب يا اميرتي
بستان من الأماني
وأمنية واحده تكفي
تكوني دايما قبالي
بتغيبي والشوق
دايما يكويني
لو تعرفي أن حبك
بس اللي ماليني
اقول تاني عن حالي
الوقت قاسي في انتظارك
مين كلمتي مين زارك
مين حتي بسلامه شغل بالك
الروح غابت وهامت في كونك
والقلب طاير لو سمع صوتك
والفكر شارد في ملكوتك
الوقت سواقي في غيابك
يقلب كل كلمه من كلامك
والعبن لو تشوف غيرك
يحرم عليها هيامك
ليست هناك تعليقات:
إرسال تعليق