السعادة ...
السعادة مش فلوس
أو حسابات في البنوك
السعادة مش قصور
أو سرايات أو بيوت
السعادة مش جواهر
أو دهب مكنوز
السعادة يا ابني عادة
ليه بتبعد عنها ليه
السعادة مش بنلاقيها
أو بنروح ندور عليها
السعادة جواك انت
ايوة انت ... مستغرب ليه
دي جوة ...جوة القلب
جوة منه متخبية
فتح عيونك ...حس بيها
دي مستنية
انت امتى تحن عليها
السعادة بتيجي من جوة
جوة جوة القلب جوة
عاوزة توصل لجوة جوة
حد تاني مش عارفها
السعادة في كلمة حلوة
أو في لمة للاحبة
السعادة فنجان قهوة
وكتاب بتقراه بابتسامة
أو في لقمة حلوة
بعد جوعة
السعادة في ضحكة طفل
قلبه اخضر أو حنان أم
و ايد بتطبطب عليك
السعادة يا حبيبي
اني اشوفك ادام عيوني
كلمة منك بتنسيني جروحي
السعادة بين شفايفك
لما تخرج منها حروف اسمي
بصوتك أو في حضنك
لما روحي تسكنلك ضلوعك
السعادة مش حسبة صعبة
دي يا ابني سهلة
بتبدأ من بين شفايفك
بالابتسامة وقول يا رب
هيا نية من جوة القلب
يلا قوم و امسح همومك
و ابتسم ربك معاك
بيقول للشيء كن فيكون
انت مين علشان تقول خلاص
و تحبس نفسك في الظنون
قول يا رب تلاقيها تهون
و تلاقي نفسك و السعادة
صحاب على طول ...
سالي نادر ...
ليست هناك تعليقات:
إرسال تعليق