انا الفرحان
و مزقطط
و بتنطط علي الحيطان
و انا السهران ...
فسيرك بوش متلون
سبع تلوان ...
و أروح بيتي بكون هلكان
ألاقيني كده حيران
ما بين عركه مع الجيران
مع شكوى من أبني كمان
و مصاريف ...
و تكاليف ...
و تخاريف ...
ودين بيخبط علي البيبان
و ألبس وش متنكد بلون زعلان
و أنام طهقان ...
و طول الليل بكون زهقان
و أشيل فوق راسي هم
زمان ....
و بعد ساعات
أقوم من نومي
و مقدرش أقول تعبان
و أروح شغلي
و ألبس وش متلون
بلون فرحان ...
و مزقطط و بتنطط
علي الحيطان ....
عرفت أنا مين؟!
بس أوعى تقول :
أنسان
#بقلمي
طه حسين
ليست هناك تعليقات:
إرسال تعليق