تلقى الموت دايماً معذور
*********************
شب وهب حريق بيثور قلب العتمه وسط جحور
جوه جدارك قلب بيشكى نبضه بيحكى ع المستور
ضاعت بيك أوهام الطيبه والأحزان حواليك بتدور
عايش عتمه وسط النور كاس الذل كأنه بحور
جوه سراب الحلم الضايع تلقى الخوف بقى ليك مبدور
وقت ماصرخت فيك أيامك هربت بيك لطريق مهجور
لما الدنيا تصبح غابه تلقى الخاين بقى مشهور
وسط متاهه أرض الشر سهم الخير يصبح مكسور
ويا زمان الضيق والقهر تلقى الموت دايماً معذور
محمد سالم
ليست هناك تعليقات:
إرسال تعليق