,,أنا هااستغفر ,, يحيي الشاعر

((قصيده غـِنائــــيه )) 

(1 )

,,أنا هااستغفر ,, 

أنا هااستغفر لااجل ماتغفر ...

إن ماغـَفرتش م اللى هايغفر ...

أنا هااستغفر لااجل ماتغفر...؟

..................................

(2 )

إغفر لـِيـّه ياربّى ذنوبى ...

واستـُر ضغفى وكـُل عيوبى ...

زَوّد فـِكرى وخـَللى همومى ...

دايمه معايا ف صـَحوى ونومى ...

وانا هااستغفر لااجل ما تغفر ...

إن ماغفرتش م اللى هايغفر ...

......................................

(3 )

إنت وعدت ف قلب كتابك ...

إن عبيدك إن عبـــــــادك...

اللى هيطلـُب يوم مغفرتك ...

يبقى حبيبك من أحبابـــك...

وانا هاستغفر لااجل ماتغفر ...

إن ماغفرتش م اللى هايغفر...

....................................

(4 )

إنت إلـه الكون سـُبحانــــك...

فوق الوصف يارب ّ صـِفاتك ...

واحنا عبيدك واحنا إمــائــك...

إيوه بنـُطلب ربّى رحابـــــك...

تغفر لينا بوعد كلامــــــــك ...

وانا هااستغفر لااجل ماتغفر ...

إن ماغفرتش م اللى هايغفر ...

...................................

(5 )

وانصر عبد يبات مظلوم ...

وامسح دمعه ف عين محروم ...

أو مديون بايــــــــــت مهموم...

ياللى خلقت السما بنجــــــوم...

وانا هااستغفر لااجل ماتغفر ...

طول العمر إليك هااستغفر...

إن ماغفرتش م اللى هايغفر...

إن ماغفرتش م اللى هايغفر...

................................

العبد المصرى

يحيي الشاعر 

25/9/2015