--- سلسلة خواطر من 1 : 12
---------------------------------- ( 8 )
==== من وراء النظارة ====
من ورا النضارة - - ؟
بصيت في مرايتي
ودي هوايتي - - وغايتي
لقيت صورتي بتتلألأ
كما اللؤلؤ - -
وروحي طايرة وبتزقزق
كما العصافير - -
ونشوة شوق واخداني
وسابحة ف بحر الهوا
أطير ف السما
وأروح لبعيد - -
ونسيت أيامي وأحزاني
والجوى - -
وأنا سارح ف بحر خيالي
وسابح - -
وكأني مسافر- - سائح
كأني حمام زاجل
حامل رسائل - - طرود
وفجأة - - -
سمعت صوت عالي
وكأنه صاعقه ف وداني
فووووووووق - - - -
------
اتلخبط طيفي وكياني
وجات زوجتي
واخداني من ايدي
وللدنيا جرّاني
ف بحر الغم
ورزعاني - - -
على أمواج
مشاكل حياتنا
وسايباني - - -
فوقت - - -
على رنّة عدسات نضارتي
بصيت تحت - -
بدل فوق - - يمكن أفوق - -
لقيت : عدسه مشروخة
والتانيه مكسورة
قولت ف نفسي
حتى النضارة مقهورة
وعوره - - -
-----
ودا حال النضارة
ياما بتداري وشوش
الخلق - - يا خلق
حتى الغش منقوش
ف وجوه ونفوس
الناس - - يا ناس
تلاقيه ماشي منفوش
برّاه كاسي وجُوّاه عاري
وف عز نشوته
وهو ماشي
جُوّاه أحزان ومشاكل
للدُجى ملياه
وانت معاه
ماشي ومش داري
تلاقيه ف أول رزعه
ع الأرض مفشوش
وتبص ع النضارة
ما تلاقي - -
أتاري الوش - -
مغشوش .
------------------ حمدي عودة
----------------- ( 9 )
ليست هناك تعليقات:
إرسال تعليق