قيدة (فوق ) كتبت قبل ثورة 25 يناير بعامين -كنت اتوقع أن الثورة قادمة لا محالة-و أن نظام مبارك آيل للسقوط
فوق
------------------------
يا شعب من رقدتك
فوق بقي و اصحي
كترت جروحك قوي
عاميه أو فصحي
صوت الفساد ف السما
بيرن و يجلجل
و الحق صوته خرص
أعرج بيتحنجل
عشان يقوم يسند
محتاج لميت منحه
يا شعب قول كلمتك
في ظلم حاكمينك
دول مرمتوا جتتك
ما فاضلش غير دينك
كتموا ف صدرك
كل أنفاسك
و لبسوك ألف طرحه
سودا فوق راسك
يا تصون كرامتك شعبنا
أو تموت
و اهي في النهايه
تتحسب جنحه
جند شبابك شعبنا و استعد
الدم آه بنكرهه
بس له موعد
مدام بلدنا خدوها شلة العفاريت
سرقوا الحرم و الهرم
ما سبونا حتي الصيت
قوم يله شد الحزام
علي و سطك الأسمر
ما تسبش أي أثر
لوجوهم الكلحه
و أهي ثوره ثوره
قوم وولعها
مادي بهيه عايمه ف دموعها
يعني انت عاجبك مص دم النيل
و اللي باعوا مصر بالتضليل
و ان يسألوهم ليه عملتوا كده
ممكن تموت تتخنق بردودهم البجحه
يا شعب يا شعبنا
فوق بقي و اصحي
سيد عبد العليم
ليست هناك تعليقات:
إرسال تعليق