بحب فيكي
الكنيسه
بتحضن الجامع
و احب فيكي
التطرف
لو مفيش مانع
و احب فيكي البشر
مع انهم قاسيين
حتي الماسوره
اللي ضاربه
أول الشارع
بحب فيكي
اختلاف البحر
ويا النيل
و احب فيكي
الحق و التضليل
حاولت اكره مره
مقتدرتش
قالولي اسمع عيوبها
قلت مش سامع
انا ف غرامك كده
عمري مهتغير
ميت ف حبك أوي
حتي و انا صغير
لو تمنعيني النفس
برضك انا راضي
لو تمنعيني الحياه
بيكي انا
قانع
حبك لحد الصلا
واصل لاحشائي
انا ملاك م السما
و ساعات بكون
مائي
اما بحيي العلم
علمك بكون خاشع
سافرت كل البلاد
بحري و شرق
و غرب
ما عشقت فيها وطن
و لا تهت مره
ف درب
اسمك هيفضل هنا
ساكن صميم
القلب
الدنيا تبهت و يفضل
اسمك اللامع
بحب فيكي
الكنيسه
بتحضن الجامع
سيد عبد العليم
ليست هناك تعليقات:
إرسال تعليق