العمر بيجرى
والسنين بتفوت
وناس تحيا
وناس بتموت
عجله ودايره
وإله منظم الملكوت
والعمر واحد
تعيشو فقير
أو تعيش مبسوط
كنت سعادة الباشا
أو كنت الواد الهلفوت
وتطلع السما تتحاسب
تلاقى كل شيئ مثبوت
وأدلة وشهود
وكله بالمظبوط
وحساب عسير
الهمسه فيه ماتفوت
الحسنه والسيئه
مكتوبه بالسحتوت
لا محامى يحامى
ولا توت على الكبوت
لا تنفع الواسطه
ولا حتى تشفع كروت
اسمع وبس وهس
الكل ساعتها سكوت
وملايكه واقفه تستنه
منهم بيخدوا ع الجنه
ومنهم معاهم السفوت
يجروا لنار حاميه
فيها اللى ظلم مكبوت
واللى عاش فى الدنيا نسر
تشوفو تقول كتكوت
ليست هناك تعليقات:
إرسال تعليق