** { اسرار الليل } ***=0=***
"""""""""""""".......................""""""""""""""
***==0==*** (بيقشعو ) ***==0==***
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شايف من بعيد نجمات بتساير قمر
***** ماعرفت اطراف الحديث كيف تبادلو
ياترى ..... اول سؤال عابالي خطر
***** شو بيقشعو بهالليل لو يتجولو
بيقشعو ختيار للغالي عابوابو نطر
***** وغنجة صبية بتلعب بشعرا الحلو
او عاشقة عالبحر بتمد النظر
***** كيفو حبيب الروح يابحر عم تسالو
سالو ياموج زعلان مني شو بدر
***** فراقو عذابي ماعاد فيني احملو
بيقشعو ام سهرانة عا ابنا فتر
***** لاتخاف تقبر عضامي تحضنو وتقبلو
او عسكري بيحمي لارضو من الخطر
***** خدمت علم البلاد واجب بدو يكملو
بيقشعو شب ابتلى بسيكارة خدر
***** وخيو بالقمار غراض بيتو شيلو
بيقشعو حرامي بعتمة الليل انستر
***** واطفال اليتامى من الشمس بكرو يتسولو
عالشمع راهب صومعة لاربو نذر
***** وعمال النضافة للفجر عالمكنسة يتبادلو
بيقشعو فران عاخبزو من النجمة حضر
***** الرغيف من تحت دياتو ماطيبو وما اجملو
قديش بيشوفو حكايا وفي صور
***** لابيسالو شو صار ولا شو عم تعملو
ليل وقمر ونجوم ومعزوفة سهر
***** حروف الغزل سكرت عالقصيدة تمايلو
ياليل انا والكاس عهدنا نكتب عبر
***** شفت القلب والروح شي يوم تفاصلو
------------------------------------------------------
الشاعر السوري المهجري ... اليان سمعان
ليست هناك تعليقات:
إرسال تعليق