حرف الألف . بقلم \ أحمد شاهين
بحر الكلام مليان حروف
وانا واقف بسناره
أصطاد هنا فى 3 حروف
ووقع حرف يا خساره
حرف الألف دا مُختلف
بيه تكتمل كلمة أمل
من غيره . لازم نعترف
إن الجراح ما هتندمل
حرف الألف هو البدايه
دا هو تاج الأبجديه
من غيره هتكون النهايه
من غيره هتضيع القضيه
واقف أنا ألضم حروف
أعزف بعود ناقص وتر
جوايا أسوه وشوق وخوف
من غيره حسيت بالخطر
حرف الألف يلا تعالى
كمل حروف كلمة أمل
مل يت أنا وعشت حاله
من الألم أيه العمل ؟
كلمات \ أحمد شاهين
18 \ 1 \ 2016
ليست هناك تعليقات:
إرسال تعليق