""" عودتنى """
::: أشعار :::
عمادالدين العيطة
عودتنى وإنت بعيد
تسهر معايا ..
وفضلت أسهر ..
أحضن منايا
وأعشق وأفكر
وأقول ياريت
عيونى تقدر
تشوف حبيبى
وألمسك بإيدى أكتر
كنت بأحس إنى أسير
تحت القمر عشان ..
القمر شايف عيونك
وكتير بغير من القمر
لما بحس إن نوره ..
حاضن عيونك
وفجأة تاه منى القمر
حسيت ساعتها إنك
ياروحى مش معايا
وفضلت أفكر ..
وأسأل أسايا ..
إيه غيرك وإيه الحكاية
خلاك بعيد ..
مبقتش تسهر معايا
:: عمادالدين العيطة ::
ليست هناك تعليقات:
إرسال تعليق