ناس وناس
..
وناس بتصور الفرحة
وناس الحزن ماليها
.
و ناس فرحانة بشبابها
وناس مش شايلاها رجليها
.
تشوف الأسي علي وجوههم
وربك هو العالم بيها
.
اذا شوفت في يوم غلبان
ياريت لظرووفه راعيها
.
وبطل ضحك ويا صراخ
وادب روحك ونقيها
.
واعمل حساب اليوم
دي دنيا كلنا فيها
.
بلاش بشبابك تتمنظر
وراعي شعور الفقير فيها
.
دي ناس أكلها الجوع
وتتعفف ولا مدت أياديها
.
وتعبانة وزهقانة ومرضانة
وبتدعي ربك ليشفيها
.
ومهما طالت بنا الايام
هتتبدل الاحوال فيها
.
ماهمة برده كانوا شباب
ولا عملوا حساب ليها
.
وجات ايام ومرت ايام
فتسرح بعقولها وعنيها
.
وتشوف اللي كان منكم
فتلعن الحظ وماضيها .
.
اذا في يوم لقيت غلبان
ياريت العظمة تخفيها
.
وتواضع لرب الناس
هتعرف للدنيا معانيها
.
واذا احسنت للفقرا
والله لتشوف الفرحة في عنيها
.
وتدعيلك في يوم الحشر
تدخل الجنة تفوز بيها
.
دا بدعوة فقير غلبان
بيجي عاليها واطيها
.
بقلمي
مهندس أحمد عبد الله والي
ليست هناك تعليقات:
إرسال تعليق