الـــســعاده . بقلم \ أحمد شاهين
السعاده فى الرضا
لما ترضى بكل شئ
لما تعرف إن رزقك
هو زادك فى الطريق
لما تضحك ضحكه حلوه
زى طفل جميل برئ
لما تتمسك بمبدأ
حتى لو هتكون غريق
السعاده فى القناعه
فى الخشوع وقت الصلاه
قضى عمرك كله طاعه
والشيطان ب تقوله لا
مش راح أخد غير نصيبى
وهو دا طبع الحياه
السعاده راح تشوفها
فى الأمل أو ف مناجاه
ناجى ربك . مجده
وإيديك مرفوعه فوق
عز قلبك وإسعده
بالدعا وقت الشروق
يا إلهى إنت حسبى
نبض حُبك فى العروق
بعبدك . نور لى دربى
ول لقاك أنا كلى شوق
السعاده فى العمل
لما هتدوق الكفاح
لما تغزل م الأمل
خطوتك . تلقى النجاح
السعاده فى القلوب
ساكنه فى دنيا براح
يا ما قالوا ع السعاده
والسعاده فى الصلاح.
كلمات \ أحمد شاهين
7 \ 2 \ 2016
ليست هناك تعليقات:
إرسال تعليق