يادنيانا
يادنيا ياللي حرمانا
من الفرحة وخرسانا
وكسرانا وحنيانا
يادنيانا كده كفاية
زرعت الحزن في قلوبنا
لحد الحزن مادوبنا
وشربنا من الهم شربنا
كاسات نسيتنا الضحكاية
يوزتي ف وشنا وضحكتي
في وش إللي معاه وحاربتي
يادنيا إللي معوش وكسبتي
كفاية يادنيانا كفاية
يادنيا وقفنا على أعتابك
سديتي في وشنا أبوابك
وعشان دمنا كده موصوفلك
غرزتي في رقابينا أنيابك
بكفاية يادنيانا بكغاية
ألوانك زاهية ياحرباية
إتلوني زي مابتحبي
زهوك بيبشر بنهاية
بقلم طارق السيد
ليست هناك تعليقات:
إرسال تعليق