محكمه
ءءءءءءء
مطلوب عالمزاج كلام
ومش مهم كيف الحال
فى دوار ورسم خيال
وقمر مش كل يوم بيبان
مين فينا قرا الفنجان
وتاه فى السكه وحلف ماينام
براحه والنبى ياإنسان
ده انا بسيط على قد الحال
يمكن اكون زهقان
او خايف من اللى جاى
سكتى بقت كلها دوران
وبدل الباب بيبان
خلتنى اخاف بكره
وكسرت كمان الناى
صوتى جوه القبور مسموع
بنيت محكمه
والجانى لازم هنا بكره يفوت
من غير فلوس ولا حتى نفوذ
هيستنى اسئله
ووشه فى الارض ذل ومهزله
كتمت ليه الهوى
وشربت دمى فى محكمه
زرعك ليه إصفر
وعدلك فى قانونك مر
ليه صرختى بقت غناك
وشكوتى ليها تشتاق
غربان على ناس بتنام
ومنقار فى الحى آلام
خدت ايه ياعم معاك
كفن وياريته حلال
انكسر الفنجان
والمزاج بقاله حساب
جمع وطرح والحق اوان
والصرخه مالفرحه
ونظره فى السما بامان
والعروسه بقالها طرحه
واليمامه فى ايدينا طايره
ربي قال عليك انسان
وانسان مالتانى بيبان
شفت بقى انى انسان
وسكتى من الميدان قدام
ءءءءء
خاطره
محمد كشك
ليست هناك تعليقات:
إرسال تعليق